என்ர கத - 06

-

எஸ்.சிவசேகரன்
#
அய்யா
#

எங்கட அய்யான்ர சொந்த ஊர் வல்வெட்டித்துறை;மதவடி.

அங்கமட்டுமில்ல முந்தின காலத்தில எல்லா தகப்பன்மாரையும் அய்யா எண்டுதான் கூப்பிடுற வழக்கம் இருந்தது; இப்பவும் அரிதாக அந்த வழக்கம் இருக்கு. இப்ப 80 வயதுக்காரரும் அப்பாதான். அதுக்கும் மேல போய்; டாடி, டாட் எண்டும் கூப்பிடுகினம். ஆனாலும் பாருங்கோ அய்யா எண்டு கூப்பிடுறதில ஒரு பணிவும்,கனிவும்,மரியாதையும் கூடுதலா இருக்கும். நீங்கள் அப்பா, டாடி எண்டு கூப்பிடுற ஆளா இருந்தா ஒருக்கா உங்கட அப்பாவ, "அய்யா" எண்டு ஒருக்கா கூப்பிட்டுப்பாருங்கோ; இது விளங்கும்.

அதுசரி, எப்பிடி அய்யா இஞ்ச வந்தவர் எண்டுதான யோசிக்கிறியள். சொல்லுறன் கேளுங்கோ.

எங்கட அப்பய்யா ஒரு மண்டாடி. புதுசா கேள்விப்படுற ஆக்கள் யோசிக்காதயுங்கோ; விளக்கம் சொல்லுறன். கரையார் தங்கட தொழிலுக்கெண்டு சொல்லி கனக்க சிறப்பு / பட்டப் பெயர்கள வச்சிருக்கினம்.  அதில ஒண்டுதான் இந்த மண்டாடி பட்டம்.

"மண்டாடி" எண்ட பட்டத்த அவ்வளவு லேசில ஆரும் வாங்க ஏலாது. மண்டாடி எண்ட சொல்லுக்கு
"கடல பற்றி அறிஞ்சவர்" எண்டு பொருள். (அதுக்காக "கப்டன்" எண்டு நினச்சுப் போடாதயுங்கோ) அதாவது கடல் நீரோட்டம், மீன்களின்ர இருப்பு/ வரவு எண்டு சில விசயங்கள நுணுக்கமா அறிஞ்சு சொல்ல வல்லவர். இவர் கரைத்தண்ணியில இறங்கி நிண்டு, கடல் தண்ணிய கையில அள்ளி, கடலம்மாட்ட வேண்டிக்கொண்டு கடலைப் பாப்பர். அவர் பார்த்து,  இந்த நேரம் இறங்கு எண்டு சொன்னால்தான் கட்டுமரமோ, வள்ளமோ, படகோ கடல்ல இறங்கும். இவருக்கு மரியாதையும், கவனிப்பும் கூட.

இந்த விசயத்தில கெட்டிக்காரராம் எங்கட அப்பய்யா. அதனால அவற்ற பேரும் "மண்டாடிச் செல்லத்துரை" எண்டு ஆகிப்போச்சு.
இன்னொரு விசயம் அந்தக்காலத்திலதான் இந்த "யாதும் ஊரே யாவரும் கேளிர்" எண்ட சொல்லுக்கு சரியான அர்த்தத்த சனம் தெரிஞ்சிருந்தது. இப்ப அது இல்ல.
ஏனிதை சொல்லுறனெண்டா, அந்தக்காலத்தில ஊரூராப்போய் தங்கி நிண்டு தொழில் செய்யலாம். ஒரு இடைஞ்சலும் இருக்காது. இப்ப அதெல்லாம் மல ஏறிப்போச்சு. உங்கட அப்பம்மா, அப்பப்பாக்கள கேட்டுப்பாத்தால் தெரியும். எல்லாத்தொழிலுகளும் அப்பிடித்தான். அம்பட்டரோ, வண்ணாரோ, நளவரோ, பறயரோ எல்லாரும் தொழில் செய்ய ஒவ்வொரு ஊராப்போய், அங்கயே சீவியத்த நடத்துவினம். சீவியம் பிழச்சா அடுத்த ஊருக்கு போய்டுவினம். இதெல்லாம் தன்ர அப்பு ஆச்சி, குஞ்சியாக்கள் சொன்ன கதயள் எண்டு இப்பவும் அம்மா சொல்லுவா..

இப்பிடி அப்பய்யா மண்டாடி செல்லத்துரையோட நாகர்கோவிலுக்குள்ள நுழைஞ்சு தொழில் செய்தவர்தான் என்ர அய்யா சுந்தரலிங்கம்..

ஊருக்குள்ள நுழைஞ்சு கொஞ்சக்காலத்திலயே; அய்யான்ர தொழிலயும் நடவடிக்கையையும் பாத்த அம்மையா "குழந்தைவேலு"வும் சொந்தமும் அய்யாவுக்கும் அம்மாவுக்கும் "சோறுகுடுப்பிச்சு" கட்டிவச்சிட்டினமாம். ஆனாலும் அம்மம்மா "வள்ளியமை" க்கு கொஞ்ச விருப்பமில்லையாம்..

என்ன யோசிக்கிறியள் "சோறுகுடுப்பிச்சது" பற்றித்தான?

அதைப்பற்றி நாளைக்கு சொல்லுறன்..
00

05.00am

கருத்துகள்

  1. Yarlpavanan14 ஏப்ரல், 2020 அன்று 5:58 PM

    சிறபாக இருக்கு
    தொடருங்கள்

    பதிலளிநீக்கு
    பதில்கள்
    1. Yarlpavanan14 ஏப்ரல், 2020 அன்று 7:51 PM

      தங்களுக்கும் தங்கள் குடும்பத்தினருக்கும்
      இனிய சித்திரை புத்தாண்டு வாழ்த்துக்கள் உரித்தாகட்டும்

      நீக்கு

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஈழத்து நவீன கவிதைமரபின் "புதிய மாஸ்டர்" கவிஞர் கருணாகரன்

-
படம்
"போரின் சாட்சியிலிருந்து மௌனத்தின் அழகியல்வரை நீளும் கருணாகரனின் கவிதைப் பயணம்" ************* 01- க னடா தமிழ் இலக்கிய தோட்டம் வழங்கிவருகின்ற விருதுகளில்; கவிதைத் துறைக்கான விருது இந்த ஆண்டு கவிஞர் கருணாகரன் பெற்றுக்கொள்வதில் பெரும் மகிழ்வும் மன நிறைவும். இந்த விருது விடயங்களில் எப்போதும் நான் விமர்சனங்களையும் ஆதங்கங்களையும் முன்வைப்பவன். ஆனால் அவ்வப்போது தகுதியும் பொருத்தமும் கொண்டவர்கள் பெறும்போது மனம் நிறைந்த மகிழ்வும் அடைவேன். அவ்வாறானதொரு விருதுதான் கருணாகரன் பெறுகின்ற விருது. நாற்பதாண்டுகளுக்கும் மேலாக ஈழத்து நவீனக் கவிதையின் பல பரிமாணங்களைக் கடந்து, தன் கவிதைமொழியைத் தொடர்ந்து புதுப்பித்துக்கொண்டே இருக்கும் ஒரே கவிஞர் அவர். தனிமனிதனின் இருப்பு, தனிமை,அவநம்பிக்கை, உறவுகளின் தேவை,சமூக ஒருமை மற்றும் மீளுகை சார்ந்து தன் கவிதைகளை எழுதி வரும் அவரின் எழுத்தின் பெறுமதியை இத்தனை ஆண்டுகால இலக்கிய - கவிதைப் பயணத்தை பின் தொடர்பவர்கள் அதை அறிவர். நவீன தமிழ்க்கவிதைக்கு வழங்கப்படுகின்ற உயர் விருதுகள் அனைத்துக்கும் தகுதியான ஈழத்துக்கவிஞர் என நான் கருணாகரனை சொல்வேன். (அவர் தான் தொடர் இல...
மேலும் படிக்கவும்

மொழியை வசப்படுத்தி அனுபவங்களை படிமப்படுத்தும் எஸ்.சிவசேகரன் கவிதைகள் -

-
படம்
மொழியை வசப்படுத்தி அனுபவங்களை படிமப்படுத்தும் எஸ்.சிவசேகரன் கவிதைகள் - -அபூர்வன்-   ச மூகத்தின் பதற்றத்தை ஆழமான புரிதலோடு தரிசித்து, நிதானமான மொழியிலேயே வெளிப்படுத்துபவனாக கவிஞன் இனங்காணப்படுகிறான். தேடலின் பேறான கொண்டாட்டத்தை அல்லது அடையப் பெறாமையின் வலியை கட்டிறுக்கமான மொழியிலே வெளிப்படுத்த முயல்கிறான்.         அகத்தும் பிறத்தும் நிகழும் முரண் உறவை மொழி முகாமைத்துவத்தின் ஊடாக வாசகனில் தொற்றச் செய்துவிடுகிறான். கவிதைக்குள்ளே கட்புலனாகா தன்மையினையும் ( invisible ) கட்புலனாகும் தன்மையினையும் ஒருங்கே புதைக்கும் ஆற்றலோடு அமைகின்றான்.        பிற துறைகளை போன்று கவிதையும் படிமுறை அடுக்குகளோடு அமைந்ததுதான்.       நியூட்டனின் புவியீர்ப்பு விசையை கற்கும் மாணவன் புரிதல் முயற்சியில் அதனை கடந்தேகி, ஐன்ஸ்டீனின் ஈர்ப்பு மெய்மையை ஏற்றுக்கொண்டு அடுத்த கட்டத்துக்கு பயணிக்கிறான். அதுபோல எளிமையில் இருந்து தீவிரத் தன்மைக்கு கவிஞனும் புலம்பெயர்கின்றான்.      இப் பண்புக்கான சாத்தியங்களை எதிர்காலத்தில் நல்கும்...
மேலும் படிக்கவும்

இலக்கியமும் அதிகாரமும் - சிவசேகரன்

-
படம்
01- அண்மையில் கவிஞர் சித்தாந்தன் பகிர்ந்து கொண்ட கருத்தில் இலக்கிய வடிவம் பற்றியும் இலக்கியத்தை (தரத்தை) தீர்மானிக்கும் அதிகார மையங்கள் பற்றிய தன் கருத்துகளை அங்கே சுட்டி காட்டி இருந்தார். இலக்கிய வடிவம் இங்கு பிரச்சினை இல்லை. வடிவம் ஒரு பிரதியின் தரத்தை அதற்கான பெறுமானத்தை தராது என்பது ஏற்புடையது. அது அது (கவிதை,சிறுகதை,நாவல்) தனக்கான பல்வேறு வடிவங்களை உருவாக்கி முன் நகர்ந்து கொண்டே இருக்கின்றன. சித்தாந்தன் குறிப்பிடும் இலக்கிய தரத்தை தீர்மானிக்கும் அதிகார மையங்கள் என்ன? என்பதே கேள்வி. "எதைக் கொண்டாடுவது எதை நிராகரிப்பது என்ற அதிகார மையங்கள் இலக்கியப் பரப்பில் உருவாகத்தொடங்கிவிட்டன. இவை வலிந்து சில இலக்கியப் பிரதிகளை கொண்டாடுவதற்கான யுத்திகளைத் தொடர்ந்து மேற்கொண்டுவருகின்றன. இவை குழுநிலை சார்ந்து வலிந்த கருத்தேற்றங்களை செய்துவிடுவதோடு அவற்றை பொதுக் கருத்துநிலையாக மாற்றவும் முயல்கின்றன." - சித்தாந்தன் - சித்தாந்தன் கூறுவது போல அதிகார மையம் இன்றோ நேற்றோ தோன்றியது அல்ல. ஆதிமுதல் இலக்கியத்தை; அதன் தரத்தை தீர்மானித்த அதிகார மையங்கள் என்பது நான் குறிப்பிடும் அக்கடமிக்ஸ் என்ற கல்வ...
மேலும் படிக்கவும்