என்ர கத - 02

#

ஊர்

#

இலக்கிய கூட்டங்களில என்னோட அறிமுகமாகிற நண்பர்கள் ஆச்சரியமா கேக்கிற ஒரு விசயம் என் ஊரைப்பற்றித்தான்.

"அந்த ஊரில இருந்தா வாறியள்? "

நான் எழுத்துக்கு வந்ததில இருந்து,

அடிக்கடி நான் நினைச்சுக்கொள்ளுற ஒரு விசயம்; என்ர பிறந்த ஊரப்பற்றி ஒரு கத எழுதவேணுமெண்டது. (கண்டிப்பா பெருங்கதை ஒண்டு எழுதுவன்)

பருத்தித்துறையில் இருந்து மருதங்கேணி போற வழியில இருக்கிற "நாகர்கோவில்" தான் நான் பிறந்த ஊர். எட்டு வயதுமட்டும் அள்ளிக்கொட்டி, அழைஞ்சு, அலைஞ்சு திரிஞ்ச மண். 

நாகர்கோவில் - தரவை எண்ட பகுதியில வெள்ளாம செய்யிறவை இருந்தாலும்,

எங்கட ஊரில, எல்லாருக்கும் கடற்தொழில் தான். அந்தக்காலத்தில சாம்பர், சிவஞானம் சம்மாட்டிமார் கரவலை வச்சிருந்த பெரிய புள்ளியள். " தம்பி, கனக்க இளம்பொடியள் அவயளோடதான் சம்பளவலைக்கு நிண்டுதான் உழச்சவங்கள்" எண்டு அம்மா சொல்லுவா.

(சம்பள வலையெண்டுறது முற்பணமா காசு வாங்கிக்கொண்டு, சம்மாட்டிக்கு நாளெல்லாம் கரைவலை இழுக்கிறது. கிழமைக்கு கிழமை கணக்கு பார்க்கும் போது வரும் பங்கு காசில் பெருமளவு/ முழுவதும் முற்பணத்தில கழிப்பினம்)

சொந்தமா கட்டுமரம் வச்சிருந்த ஆக்கள் தூண்டி, சூடவலை, அறக்கொட்டி எண்டு செய்வினம். ஆனாலும் இந்த ஊர் வித்தியாசமெண்டு நான் சொன்னது என்னெண்டா இங்க எல்லோரும் #கரையார்

எண்டாலும் இவைக்குள்ளயும் சில பிரிவுகள் இருக்கு. அதுகள அம்மா சொல்லும்போது கேட்டு ஆச்சரியப்பட்டிருக்கன்.

அந்த ஆச்சரியம் இன்னமும் அப்படியே இருக்கிறது தான் நான் ஒரு "பெருங்கதை" எழுத வேணுமெண்டு நினக்க்கிறதுக்கான காரணம்..

(அந்த அதிசயத்த நாளைக்கு சொல்லுறன்)

00