சிவசேகரன் படைப்புகள்

"மட்டைவேலிக்குத் தாவும் மனசு" """""""""""""""""""""""""""""" """""""""""""""""""""""""""""" """ எஸ்.சிவசேகரனின் கவிதைத் தொகுப்புக் குறித்து ஒரு கண்ணோட்டம்!    " கவிதை என்பது ஆற்றல் வாய்ந்த உணர்ச்சி களின் ஒட்டுமொத்தச் சிதறல்கள். சலனமற்ற  நெஞ்சின் அமைதியில் உண்டாகும் உணர்ச்சி களின் கொப்பளிப்பு..." எனக் கூறுகிறார் வோர்ட்ஸ் வொர்த் எனும் ஆங்கிலக் கவிஞன்.     பலர் நிறையப் புத்தகங்கள் வாசித்தாலும், எழுது வதென்பது அவர்களுக்கு இலகுவாக அமைந்து விடுவதில்லை. காரணம் வோர்ட்ஸ் வொர்த் அவர்கள் கூறுவது போன்று, சலனமற்ற நெஞ்சின்  அமைதியில் உண்டாகும் உணர்ச்சிகளின் கொப்ப ளிப்பானது கண்முன்னே நடைபெறும் ரணகள நிகழ்வுகளை உள்வாங்கி, எழுத்துகளாக வெளிப் படுத...

எஸ்.சிவசேகரன் # அதிசயம் # இந்த உலகத்திலயே ஆகச்சிறந்த- நிகரில்லா அதிசயம் என்ன தெரியுமோ? எண்டு என்னை கேட்டால்; நானும் சொல்லுற பதில் "அம்மா" தான்.  உங்கட அம்மாவப்போல என்ர அம்மாவும் ஒரு அதிசயம். அந்த அதிசயத்துக்கு இப்ப வயது சரியா 70. நீங்கள் நினக்கலாம் எல்லா அம்மாவும் அதிசயம் தான, இவரென்ன பெரிசா புழுகுறார் எண்டு. தொடந்து படியுங்கோ.. நான் முதலொரு கதையில சொன்னமாதிரி, உயிலடி - கோவியப் பரம்பரையின்ர மூத்த வாரிசு என்ர அம்மா. இப்பவும் எங்கட அம்மய்யாக்கள் உருவாக்கின வைரவர்கோவில்ல நடக்கிற "மடை"ப்பொங்கலுக்கு அம்மாவுக்கு சேதி வந்திடும் எப்ப மடை எண்டு.. என்ன வேலை கிடந்தாலும் தூக்கிப்போட்டுட்டு போய்டுவா கோவிலுக்கு. ஊருக்கு போறதெண்டா அம்மாவுக்கு அப்பிடி ஒரு சந்தோசம். அய்யாவோட இருக்கேக்க அம்மா சொந்தபந்தமோ, கோவிலோ, டவுணுக்கோ எங்கயும் பெரிசா போகல. ஆடிக்கொருக்கா அமாவாசைக்கொருக்கா எண்ட மாதிரித்தான் அம்மாக்கு வெளி உலகப்பிரவேசம் இருந்தது. இப்ப, 70 வயதிலயும் 25 கி.மீட்டர் தள்ளி நிக்கிற மூத்தக்காவீட்ட கிழமைக்கு 2 தரம் போய் வருவா. அப்பிடி ஒரு மிடுக்கான ஆள் எங்கட அம்மா. அம்மா கட்ட...

எஸ்.சிவசேகரன் # மணியண்ண # என்னதான் அய்யா அம்மாவுக்கு அடி அய்க்கினை செய்தாலும், அம்மாவையோ எங்களயோ தான் போகுமட்டும் யார்கிட்டயும் கையேந்த விடயில்ல; ஒரு ரூபாக் கடனும் விட்டுப்போகயில்ல. இப்பவும் நாங்க அஞ்சு பேரும் யார்கிட்டயும் கடன் வாங்கினதுமில்ல; யார்கிட்டயும் போய் உதவிக்கு நிண்டதுமில்ல. அடிச்சே வளத்திருந்தாலும், நல்ல படியாத்தான் வளத்தார். அம்மாக்கோ எங்களுக்கோ அடிச்சுப்போட்டு வந்து நிண்டு தடவி விடுறதும்; தடிச்ச இடத்துகு தைலம்/ நோவெண்ண பூசுறது இப்படி இரக்கமும் உள்ள ஆள். அதனால நான் அவர்கிட்ட இருந்து நாங்க நிறைய கற்றுக்கொண்டன். "ஒரு மகன், சகோதரன், தகப்பன், புருசன் எப்பிடியெல்லாம் நடக்கனும்; நடக்க கூடாது எண்டு முழுசா படிச்சது அய்யாட்ட இருந்திதான். சரி விசயத்துக்கு வாறன். நான் முதல் ஒரு கதயில சொன்னமாதிரி அந்தக்காலத்தில எல்லாத் தொழில்காரரும் ஊரூரா போய்த்தான் தொழில் செய்தவயள். அப்பிடி எங்கட ஊருக்கு வந்தவர்தான் இந்த மணியம். அவர் ஒரு வண்ணார். காலப்போக்கில கலியாணம் கட்டிக்கொண்டு எங்கட ஊரிலயே வந்து குடியேறிட்டார். அதோட ஆள் ஒரு சோக்கான "மெக்கானிக்" எலெக்ரோனிக்கில இருந்து எ...

எஸ்.சிவசேகரன் # வீராப்பு # அய்யா எட்டாம் வகுப்பே படிச்சிருந்தாலும் ஆளுக்கு உலக - நுண் அறிவு கூட. அந்தக்காலத்து ஆக்கள் எல்லாருக்கும் இந்த ரெண்டு அறிவும்தான இருந்தது; யார் கம்பசும் கொலிச்சும் படிச்சவயள்..? ஊரில நடக்கிற எந்தக்கூட்டத்திலயும் (பள்ளிக்கூடம், கோயில், கடற்தொழில் சங்கம்) முதல்ல எழும்பி சட்டம் கதைக்கிறது தொடங்கி, அதிபர்,விதானை மேல புட்டிசன் எழுதிறது வரைக்கும் அய்யா கெட்டிக்காரர். அதோட வில்லத்தனத்தோட கூடின வீராப்பும் தான். அய்யான்ர சட்ட- சண்டித்தனங்களால ஊருக்குள்ள அதிகமா எல்லாரும் பகைதான். அதனாலயோ என்னவோ இரவு கடலுக்கும், பகல் வெளியிலயும் போகும்போது அய்யான்ர இடுப்பில இரு "கிறிஸ் கத்தி" ஒழிச்சிருக்கும். ஒருக்கா, யாரோ "விசயன்" எண்டுறவர் கடற்கரையில வச்சு "வேசை மோன்" எண்டு பேசினதுக்கு இடுப்பில செருகிவச்சிருந்த கத்தியால குத்திப்போட்டு வீட்டவந்து, குசினிக்குள்ள அம்மாக்கு முன்னால கத்திய எறிஞ்சுபோட்டு வல்வெட்டித்துறைக்கு ஓடிட்டாராம். இப்பிடியான மனுசன் காலம் செல்லச்செல்ல அம்மாவையுன் அவயின்ர சொந்தங்களோட பழகாமல் மறிச்சுப்போட்டார்.  இரு...

எஸ்.சிவசேகரன்  # சோறுகுடுப்பு # இந்தக்காலத்தில் நிறைய கலியாணங்கள் லச்சங்கள் செலவில, சிலவேளை கோடி செலவிலயும் நடந்து முடியும். அப்பிடி நடந்து முடிஞ்ச கலியாணங்களிலயும் ஒரு சிறப்பு சம்பவம் நடக்கும். அதென்னண்டா அரைவாசி டைவேர்ஸ் கேசுக்கு போய்டும். அவ்வளவு முன்னேறிட்டம் நாங்கள். ஆனாப்பாருங்கோ எங்கட அய்யா-அம்மா காலம் ஒரு பொற்காலம். அந்தக்கால ஆக்களுக்கு ஆடம்பரமும் தெரியா; பொலிஸ்ரேசனும் தெரியா; டைவேர்ஸ் எண்டு ஒண்டு இருக்கிறதும் தெரியா. சரி விசயமென்னெண்டா, "சோறுகுடுப்பிச்சது" தான.. அந்தக்காலத்தில அநேகமான ஏற்பாட்டு கலியாணங்களில நடக்கிற ஒரே ஒரு சடங்கு இதுதான். (இப்பவும் அரிதாக நடக்குது) அதாவது பொம்பிள வீட்டில ரெண்டு மூண்டு கறி சமச்சு, பெரிய ஆக்கள் முன்னிலையில ஆம்பிளைக்கு சாப்பாடு குடுபடும். இல்ல, ஆளாளுக்கு மாறி தீத்துப்படும். ( கட்டிக்க சம்மத்மெண்டால் சோறு தீத்து எண்ட தோரண்யில எல்லா பெரிசும் நிக்கும்). இந்த சோறு தீத்தல் நடந்தாலே கலியாணம் முடிஞ்சுது. பிறகென்ன சொந்தமெல்லாம் மூக்குமுட்ட சாப்பிட்டு அவரவர் வீட்டுக்கு போக வேண்டியதான். இரவு ரிசெப்சனும் இல்ல. வீடியோ மிக்சிங...

எஸ்.சிவசேகரன் # அய்யா # எங்கட அய்யான்ர சொந்த ஊர் வல்வெட்டித்துறை;மதவடி. அங்கமட்டுமில்ல முந்தின காலத்தில எல்லா தகப்பன்மாரையும் அய்யா எண்டுதான் கூப்பிடுற வழக்கம் இருந்தது; இப்பவும் அரிதாக அந்த வழக்கம் இருக்கு. இப்ப 80 வயதுக்காரரும் அப்பாதான். அதுக்கும் மேல போய்; டாடி, டாட் எண்டும் கூப்பிடுகினம். ஆனாலும் பாருங்கோ அய்யா எண்டு கூப்பிடுறதில ஒரு பணிவும்,கனிவும்,மரியாதையும் கூடுதலா இருக்கும். நீங்கள் அப்பா, டாடி எண்டு கூப்பிடுற ஆளா இருந்தா ஒருக்கா உங்கட அப்பாவ, "அய்யா" எண்டு ஒருக்கா கூப்பிட்டுப்பாருங்கோ; இது விளங்கும். அதுசரி, எப்பிடி அய்யா இஞ்ச வந்தவர் எண்டுதான யோசிக்கிறியள். சொல்லுறன் கேளுங்கோ. எங்கட அப்பய்யா ஒரு மண்டாடி. புதுசா கேள்விப்படுற ஆக்கள் யோசிக்காதயுங்கோ; விளக்கம் சொல்லுறன். கரையார் தங்கட தொழிலுக்கெண்டு சொல்லி கனக்க சிறப்பு / பட்டப் பெயர்கள வச்சிருக்கினம்.  அதில ஒண்டுதான் இந்த மண்டாடி பட்டம். "மண்டாடி" எண்ட பட்டத்த அவ்வளவு லேசில ஆரும் வாங்க ஏலாது. மண்டாடி எண்ட சொல்லுக்கு "கடல பற்றி அறிஞ்சவர்" எண்டு பொருள். (அதுக்காக "கப்டன்" ...

எஸ்.சிவசேகரன் # எங்கட பேர் # இந்தக்காலத்தில, பிள்ளயள்ள பேர்கள் வைக்கிற லச்சணம் என்னெண்டு நான் சொல்லித்தெரிய வேண்டியதில்ல. விஜய், அஜித், அனுஸ்கா, ஹம்சா எண்டு ஏதேதோ பேர் வைக்கினம். அந்தக்காலம் போல, சாத்திரியிட்ட போய் அவர் சொல்லுற எழுத்து வாற மாதிரிதான் பேர் வைக்கினம். ஆனா இப்பத்தய சாத்திரியள் ரொம்ப எக்ஸ்பேர்டான ஆக்கள். என்னத்தில? இங்கிலிசில. ஏதோ வெள்ளக்காரனுக்கு பிறந்து, அவனிட்டயே சாத்திரம் படிச்சமாதிரி பம்மாத்து. போன உடன நேரத்த, நாள கேட்டுப்போட்டு 3 நாளில் வரச்சொல்லி குறிப்ப குடுப்பினம். பிள்ளயின்ர பேர் முதல் எழுத்துகள் எல்லாம் எழுதியிருப்பினம். அதுவும் இங்கிலிசில.. எஸ்.எச் வாறபேர், சீ எச்வாற பேர் எண்டு சாத்திரி வெளுத்து வாங்கியிருப்பார். கொஞ்சம் சாத்திர அறிவு குறஞ்ச ஆக்கள் ஏன் இங்கிலிசு எண்டு கேட்டா, அதுக்கொரு பெரிய கதய இழுத்து விடுவினம். பிறகென்ன, அவர் சொன்ன எழுத்து வாற மாதிரி பேர நெட்டில தேடவேண்டியாதான். ஒருமாதிரி தேடியெடுத்தா, அது அந்தரத்தில நிக்கும். ந், ப், வ், ய், க் எண்டு முடியாம நிக்கும். கேட்டால் நான் தமிழன்; எங்களுக்கு தமிழ் தேசியம் வேணுமெண்டு கூவுறது. சரி அத வ...

நாகையா # நான் நேற்று சொன்ன கதயில, எல்லாரையும் ஒண்டு சேர்க்கிற அந்த அதிசயம் எங்கட "நாகையா" தான். நாகர்கோவிலுக்குள்ள நுழையிற வாசலில காவலுக்கு இருக்கிறவர்தான் இந்த நாகையா. வருசாவருசம் இவருக்கு நடக்கிற திருவிழாவில தரவயார் எடுத்துச்செய்யிற திருவிழா போக, கடசிக்கு முதல் நாள் எங்கட திருவிழா. அதுதான் எங்கட சனத்தின்ர ஆகச்சிறந்த கொண்டாட்ட நாள். கப்பல் திருவிழாவும் தீர்த்த திருவிழாவும் நடக்கிற நாளில ஊரில் உள்ள குஞ்சு, குறுமான் எல்லாம் தொண்ணூற்றொன்பது வீதமும் கோவில்லதான் நிக்கும். இங்க மட்டுந்தான் எந்த பிரிவுமில்லாம ஒண்டா இருப்பினம். சோறு, புக்கை எண்டு மடங்களில செய்து சாப்பிட்டு நாள் போகும். இந்த திருவிழா நாளெல்லாம் பொடியள்,பொட்டயள்,பழசு,தினுசெல்லாம் பக்திப்பழங்களாவும், மேக்கப்போடயும் திரியிறத பாத்து ஒவ்வொரு வருசமும் சிரிப்பம். இப்ப நாங்கள் 20 வருசமா ஊரில இல்லாட்டியும் ஒவ்வொரு வருசமும் நாகையாட்ட போய்டுவம். அப்ப எல்லா சொந்தபந்தங்களோடயும் இருந்து கதையளக்கிறது ஒரு தனிச்சுகம். இப்பிடியான ஒரு ஊரில ஒரு பரம்பரையின்ர மூத்த வாரிசு என்ர அம்மா.      அந்த பரம்பரை #உயிலடியில இ...

" எழுத்தாளரே வாசகனாக இல்லை என்பதும் என் இன்னொரு குற்றச்சாட்டு. வாசிக்காத எழுத்தாளர்களையே நான் அறிவேன்" எனது பதில்களுக்கு  எழுத்தாளர்  அஜந்தகுமார்  அவர்கள்  வழங்கிய எதிர்வினை # பதில் -  அன்பின் சிவசேகரன், ஒரு படைப்பாளிக்கு விமர்சனம் ஊக்க மாத்திரை மட்டுமல்ல. அவனின் அடுத்த படைப்பிற்கான கூர்மைப்படுத்தலுக்கும் செம்மைப்படுத்தலுக்கும் உதவுவது ஆகும். படைப்பாளி பற்றிய துதிபாடல்களில் அர்த்தம் எதுவும் இல்லை. படைப்பாளி பற்றிய சேறுபூசல்களிலும் அர்த்தம் இல்லை. படைப்பாளியாக இருப்பது விருதுக்காகவோ புகழுக்காகவோ அல்ல இயங்குதலுக்காக உயிர்ப்புக்காக. உங்கள் பதிவில் சில கோளாறுகளைக் காணமுடிகின்றது. குருசீடமுறை இருக்கிறது என்கின்றீர்கள். குழுமனப்பாங்குதான் இருக்கின்றது. குழுவில் ஒருவர் படைப்பொன்றைப் பற்றிச் சொல்லும் கருத்தை அந்தப் படைப்பை வாசிக்காமலே மற்றவர்களுக்குச் சொல்லத் தொடங்கிவிடுகின்றார்கள். திரைப்படங்களைப் பார்க்காமலே திரைப்பட விமர்சனங்களை எழுதும் எழுத்தாளரையும் அறிவேன். நான் குப்பிழான் ஐ.சண்முகனின் மாணவர் என்பதற்காக இருவருக்கும் எல்லாப்படைப்புகள் பற்றிய கருத்த...

இயேசுவை கொன்றவர்கள் # # பிதா சுதன் பரிசுத்த ஆவியின் பெயரால் இந்த வாக்குமூலத்தை வழங்குகிறேன் எல்லாம் வல்லவராகிய கடவுளே இந்த சீவனின் நாவில் சத்தியத்தை இருத்துவீராக..! நான் இயேசுவை நேசிக்கிறேன் அவர் எனக்காகவும் மண்ணில் பிறந்தவர் நான் இயேசுவை நேசிக்கிறேன் அவர் எனக்கும் சேர்த்து சிலுவை சுமந்தவர் நான் இயேசுவை நேசிக்கிறேன் அவர் எனக்கும் சேர்த்து இரத்தம் சிந்தியவர் நான் இயேசுவை நேசிக்கிறேன் அவர் எந்த மதத்தையும் சாராதவர் நான் இயேசுவை நேசிக்கிறேன் என்னை அவரும் வழிநடத்திக்கொண்டிருக்கிறார் நான் இயேசுவை நேசிக்கிறேன் அவரும் எனக்கு நேசிக்க கற்றுக்கொடுத்தவர் நான் இயேசுவை நேசிக்கிறேன் அவர் எனக்காகவும் உயிர்த்தெழுந்தவர் தான் வளர்த்த நேசங்களின் வேண்டுதலில் உயிர்த்தெழுந்த இயேசுவை ஒவ்வொரு பாகங்களாய் அறுத்து துடிக்கத் துடிக்க கொன்றவர்கள் புனிதச்சிலுவைகளை கைகளுக்குள் இறுக்கியபடியே அதோ வருகிறார்கள் என் நாவை அறுக்க... நான் இறுதியாக சொல்லிக்கொள்கிறேன் நான் இயேசுவை நேசிக்கிறேன்.. அவர் எல்லோர் பாவங்களையும் மன்னித்...

# சாதிக்கத # நான் இந்த விசயத்த சொல்லுறதால என்னை சாதிவெறிப்பிடிச்சவன் எண்டு நினைப்பவர்களாக நீங்கள் இருந்தால் இதை படிக்கதயுங்கோ.. எந்த உறவாடல்/உரையாடல்களிலயுமோ நான் சாதி எண்டு, எல்லாரும் வெளியால இல்லயெண்டு சொல்லிக்கொண்டு உள்ளூர தூக்கிக்கொண்டு அலையிற விசயத்த எப்பவும் தூக்க நினச்சதும் கிடயாது; கேட்பவனுக்கு என்ர சாதிய பெருமயா சொல்ல வெக்கப்பட்டதும் கிடயாது. எனக்கு எல்லாரும் நண்பர்கள்தான். அது என்னை அறிந்தவர்களுக்கு நன்றாய் தெரியும். ஆனாலும் எங்கட ஊரில  இருக்கிற ஒற்றை சாதிப் பிரிவுகள நான் எப்பவும் நினச்சுக்கொண்டே இருப்பன். ஏனெண்டா எனக்கு அது ஒரு பழமை வரலாறின்ர/ ஆதி இருப்பின்ர அடையாளமா தெரியுது. இலங்கயில நாகர்கள் வாழ்ந்த இடமெண்டு அடையாளப்படுத்தப்பட்டிருக்கிற எங்கட ஊர், இப்பவும் அதுக்கு சாட்சியா, நாகர்களின் அடித்தோன்றலோட இருக்கெண்டு பெரும அது; எல்லாம் மாறிக்கொண்டுவாற இந்தக்காலத்திலயும் பல சடங்கு சம்பிரதாயங்கள் அப்பிடியே இருக்கு எண்ட பெரும அது; உலகம் எங்கயோ போனாலும் உலகத்துக்கு ஏற்ப மாறிக்கொள்ளாம அதே குணநலன்களொட ஒரு கூட்டம் இருக்கெண்ட பெரும அது. சரி விசயத்துக்கு வாறன். கர...

எழுத்தாளர் த.அஜந்தகுமாரின் முகநூல் கேள்விகளுக்கான பதில்கள் # எஸ்.சிவசேகரன் # கேள்வி - 2 படைப்புகள் தோன்றும் அளவுக்கு வாசிப்பு இருக்கிறதா? பதில் - ஈழத்தை பொறுத்தவரை வாசிப்பு நிலை/ வாசக வட்டம் மீது அன்று முதல் இன்று வரை; அதாவது மேலைத்தேய புதிய அலையொன்று வீசத்தொடங்கிய 70கள், 80கள் தொடங்கி 2020 வரை எழுத்தாளர்களால் முன்வைக்கப்படுகின்ற ஒரு பொதுநிலைப்பட்ட கேள்வி இதுவாகும். பத்திரிகைகள், சஞ்சிகைகள், வானொலி என மட்டும் தீவிரமாக இலக்கியம் பேசப்பட்டுவந்த அந்தக்காலத்தில் முன்வைக்கப்பட்ட இந்தக்கேள்வி நவீனத்துவ வேகத்துக்குள்ளும் சமூகவலைத்தளங்களுக்குள்ளும் இலக்கியமும் வாசகரும் சிக்கித்தவிக்கும் இந்தக்காலத்தில் முன்வைக்கப்படுகின்றமை ஆச்சரியமில்லைதான். ஆனாலும், இந்தக்கேள்வியை ஒரு "சம்பிரதாய" கேள்வியாகவே என்னால் நோக்க முடிகிறது.  என் நோக்கிற்கு காரணங்கள் இரண்டு 1- இப்போதய ஈழ இலக்கிய போக்கு(ம்) குரு-சீட முறையில் நகர்ந்துகொண்டிருக்கின்றமை:  குரு-சீட முறை என நான் சுட்டுவது, இன்றய எழுத்தாளர்களில் பலர் மூத்த எழுத்தர்களின் சீடர்களாக இருப்பவர்கள். அதனால் ...

எழுத்தாளர் த.அஜந்தகுமாரின் முகநூல் பக்க கேள்விகளுக்கான என் பதில்கள் # எஸ்.சிவசேகரன் # கேள்வு - 01. படைப்புகள் தோன்றுகிற அளவுக்கு விமர்சனங்கள் தோன்றுகின்றனவா? # (ஈழத்து இலக்கியப்போக்கினை முன்வைத்து; நான் இந்தக் கேள்விகளுக்கான பதில்களை தருகிறேன்) பதில் - ஈழத்து இலக்கிய விமர்சனப்போக்கு கைலாசபதி, சிவத்தம்பி, தளையசிங்கம் என (இன்னும் சிலர் இருக்க கூடும்) சிலரின் மறைவின் பின்னர் வெகுவாக அருகிவிட்டதாகவே நான் குறிப்பிடுவேன். தமிழகத்து எழுத்தாளர்களே கொண்டாடிய/ காத்துக்கிடந்த ஈழ விமர்சனப்போக்கின் வீழ்ச்சிக்கு என்ன காரணம் என்பதை; சில நிகழ்கால இலக்கிய மேடைகளில் இடம்பெறும் #சுயதம்பட்ட உரைகள் மூலமும், எழுத்தாளனின் உச்சியை குளிர்விக்கும் உரைகள் மூலமும் நான் உணர்ந்து கொண்டேன். (அதிகமாக எழுத்தாளனை குளிர்விக்கும் இந்த உரைகளை "தரமான விமர்சனம்" என்ற(ப)வர்களும் உண்டு.) கைலாசபதி, சிவத்தம்பி, தளையசிங்கம் முதலானோர் வளர்த்துப்போன விமர்சனப்போக்குக்கு மு.பொ, சி.சிவசேகரம், நுஃமான், செ.யோகராசா, சபா.ஜெயராசா, துரை மனோகரன் முதலானவர்கள் தொடர்ந்து நீரூற்றியர்கள் என்பதை நினை...

# ஊர் # இலக்கிய கூட்டங்களில என்னோட அறிமுகமாகிற நண்பர்கள் ஆச்சரியமா கேக்கிற ஒரு விசயம் என் ஊரைப்பற்றித்தான். "அந்த ஊரில இருந்தா வாறியள்? " நான் எழுத்துக்கு வந்ததில இருந்து, அடிக்கடி நான் நினைச்சுக்கொள்ளுற ஒரு விசயம்; என்ர பிறந்த ஊரப்பற்றி ஒரு கத எழுதவேணுமெண்டது. (கண்டிப்பா பெருங்கதை ஒண்டு எழுதுவன்) பருத்தித்துறையில் இருந்து மருதங்கேணி போற வழியில இருக்கிற "நாகர்கோவில்" தான் நான் பிறந்த ஊர். எட்டு வயதுமட்டும் அள்ளிக்கொட்டி, அழைஞ்சு, அலைஞ்சு திரிஞ்ச மண்.  நாகர்கோவில் - தரவை எண்ட பகுதியில வெள்ளாம செய்யிறவை இருந்தாலும், எங்கட ஊரில, எல்லாருக்கும் கடற்தொழில் தான். அந்தக்காலத்தில சாம்பர், சிவஞானம் சம்மாட்டிமார் கரவலை வச்சிருந்த பெரிய புள்ளியள். " தம்பி, கனக்க இளம்பொடியள் அவயளோடதான் சம்பளவலைக்கு நிண்டுதான் உழச்சவங்கள்" எண்டு அம்மா சொல்லுவா. (சம்பள வலையெண்டுறது முற்பணமா காசு வாங்கிக்கொண்டு, சம்மாட்டிக்கு நாளெல்லாம் கரைவலை இழுக்கிறது. கிழமைக்கு கிழமை கணக்கு பார்க்கும் போது வரும் பங்கு காசில் பெருமளவு/ முழுவதும் முற்பணத்தில கழிப்பினம்) ...

என்ர கத - # எஸ்.சிவசேகரன் # எழுத்தாள, வாசக நண்பர்கள் என்னிடம் அதிகமா கேட்ட கேள்வி " நீங்கள் என்ன செய்யிறியள்? " நான் சொல்லும் பதில்; "கூலி வேலை செய்யிறன்" அதன்பிறகு என்ன சொல்லிருப்பினம் என்டு நீங்க ஊகித்துக்கொள்ளுங்கள். நான் இந்த ஊரடங்கு அமுலாகும் வரை மேசன், பெயிண்டிங், கதியால் வெட்டு, புகையிலை மேடை, கல்லுடைப்பு, துப்பரவு, உட்பட எல்லா கூலிவேலைகளையும் செய்தவன்; (செய்யப்போகிறவன்). அதனால சிக்கனத்தையும், பசியையும், வறுமையையும் நன்குணர்ந்தவன். இந்த வேலைகளை செய்துகொண்டு வாசிப்பிலயும்ம் எழுத்திலயும் ஈடுபட்டதாலதான், எல்லா பெரிய எழுத்துப்புலியளும் எழுத,வாசிக்க முடியல எண்டு புலம்பிக்கொண்டிருக்கிற இந்த இடர்காலத்திலும் என்னால வாழ்வை சமாளிக்க முடிகிறது; தொடர்ந்தும் எழுதவும் வாசிக்கவும் முடியுது. நான் பட்டம், பதவி வந்த பின் எழுத வந்தவனல்ல, பதினாறு வயதில் எனது கூலி வேலையும் வாசிப்பும் தொடங்கியது. பதினெட்டு வயதிலேயே எழுத்துக்கு வந்துவிட்டேன்.. அதனால்தான் சொரணைகெட்ட அரசியல் வாதிகளுக்கும், பசிக்காய் திருடிய சுமனசேனவுக்கும் என்னால் எழுதமுடிகிறது. ஜெயகாந்தனின் ஸ...

கலங்காதே சுமனசேன இது ஊழிக்காலமென்பதின் ஒற்றை சாட்சியம் நீ.. உன் அழுகையின் அர்த்தம் உணர்ந்தவன் சொல்கிறேன் கலங்காதே சுமனசேன கிருமிகள் ஆளும் இந்த ஊழிக்காலத்தின் வெம்மையை நாளை சொல்வதற்கு உன் நிலையை விடவா சாட்சியம் வேண்டும் சுமனசேன.. உனக்கு அடித்தவர்களை எண்ணி நான் பரிதாபப்படுகிறேன் ஏன் தெரியுமா சுமனசேன..? என்னையும் உன்னையும் துரத்திக்கொண்டிருக்கும் கிருமி அவர்கள் எல்லோரையும் எப்போதோ தொற்றி அவர்களுக்குள் இருந்த மனிதனை தின்று முடித்துவிட்டதை இன்னமும் அறியாமலிருக்கிறார்களே.. கலங்காதே சுமனசேன இது ஊழிக்காலமென்பதின் ஒற்றை சாட்சியம் நீ.. உனக்கொன்று தெரியுமா சுமன..? இப்போது உன் வீட்டை நிறைத்திருக்கும் அரிசி மா பருப்பு சீனி எல்லாவற்றோடும் நீ திருடிய தேங்காய்களும்.. உன்னிடம் மீதிக்கடன் கேட்டவனையும் மன்னித்துவிடு சுமனசேன எனக்குத்தெரியும் அவன் குழந்தைகள் பசிக்காதிருக்க நிச்சயம் நீ வேண்டிக்கொண்டிருப்பாய் என்று.. கலங்காதே சுமனசேன இது ஊழிக்காலமென்பதின் ஒற்றை சாட்சியம் நீ.. 00 எஸ்.சிவசேகரன் 05.20pm

சனியனை கொழுவுதல் அல்லது கைகளை கழுவுதல் ### மனிதர்கள் பூட்டப்பட்ட நகரத்து வீடொன்றின் வாசலில் நலம்கேட்பதற்காய் நிற்கிறேன் அரைமுகத்தை மறைத்தபடி.. நில்லுங்கள்... கால்கள் கழுவிவிட்டீர்களா? "ம்ம்" கைகள்? "ஆம்" முகம்?? "ஆம்" சரி வாருங்கள் உள்ளே எதையும் தொடாதீர்கள் இது சனியன் வாழும் உலகம் எதையும் சொல்லாதீர்கள் இது சனியன் வாழும் உலகம் எதையும் கேட்காதீர்கள் இது சனியன் வாழும் உலகம் எங்கும் செல்லாதீர்கள் இது சனியன் வாழும் உலகம் "சரி போய்வாருங்கள்" சனியன் வாழும் நரகம் கடந்து வந்து கைகளையும் தோல் உரிந்து வடியும் குருதியையும் சேர்த்து மீண்டும் மீண்டும் நான் கழுவிக்கொண்டே இருக்க எதிர் வீட்டிலிருந்து கேட்டுக்கொண்டே இருக்கிறது "இது சனியன் வாழும் உலகம்" "இது சனியன் வாழும் உலகம்" 00 எஸ்.சிவசேகரன் 18.03.2020 08.15am

குறிப்பு - 02 குடத்தனை உதயன் அண்ணா &  லதா உதயன் அக்கா ஆகியோரின் தயவினால் தமிழ்நதி அக்காவின் #மாயக்குதிரையை நேற்றிரவு ப(பி)டித்தாயிற்று.. மொத்தம் பத்துக் கதைகள் ஒவ்வொன்றும் ஒவ்வொரு ரகம் அல்லது வலி எனலாம். #தாழம்பூ #தோற்றப்பிழை இரண்டும், தமிழ்நதி அக்கா தான் கண்ட கனவுகளை நிஜமாக்கினாரோ என்றே எண்ணவைக்கிறது. அவ்வளவு (க)வித்துவம்; உயிரோட்டம் #நித்திலாவின்_புத்தகங்களில் வந்து ஏசிக்கொண்டிருக்கும் நித்திலாவின் அம்மாவே எனது அம்மா 😊 #மாயக்குதிரை & #கடன் ஆகியன வெளிநாடுகளில் நம்மவர் அணிந்திருக்கும் பல்வேறு முகமூடிகளில் இரண்டு மூடிகளின் குறுக்குவெட்டுத் தோற்றங்கள் #மனக்கோலம்  #காத்திருப்பு & #மலைகள்_இடம்பெயர்ந்து_செல்வதில்லை ஆகியன ஈழத்து அவலங்களின் வெள்ளிடை மலைகள் #கறுப்பன்_என்றொரு_பூனைக்குட்டிக்கு என் அய்யா வளர்த்த பூனைக்குட்டியின் சாயல். (உடனே பூனையைக் கூப்பிட்டுவிட்டேன் என்றால் பாருங்களென் 😊) #மெத்தப்பெரிய_உபகாரம் இன்னொரு ரகம்; ஒரு முதிர் தாயின் உணர்வுக்கொத்து.. ஆக மொத்தம், ஒன்றல்ல, பத்து மாயக்குதிரைகள். மனசின் மூலை முடுக்கெல்லாம் கடிவாளம் அறுத்து ஓ...

குறிப்பு - 01 ## பிரேத பரிசோதனை #காணாத  கவிதைகள் - எஸ்.பி பாலமுருகனின் நட்சத்திரங்கள் நனைந்து போன மழை நாட்கள் - ஒரு வாசக குறிப்பு # எஸ்.சிவசேகரன் # "பொதுவாக எழுத்து என்பது வாழ்வின் சமரசப் போக்கை, இருண்ட பக்கங்களை,அதன் சிக்கலான தன்மைகளை  வாசகனுக்கு கொண்டு செல்வதை அடிப்படையாகக் கொண்டிருக்க வேண்டும்" மேற்படி நண்பர் பிரோஸ்கானின் முன்னுரை வாசகம்தான் என்னை இந்த குறிப்பை எழுத வைத்தது. எஸ்பி.பாலமுருகன், மலையகத்தைச் சேர்ந்த  இயங்குநிலை கவிஞர்களில் குறிப்பிடத்தக்கவர். இதுவரை  மூன்று பிரதிகளை  வெளியிட்டுள்ளார் என்பதை அவரைப் பற்றிய அறிமுக குறிப்பின் மூலமாக அறியமுடிகிறது. அவர் தன் உரையில் பின்வருமாறு குறிப்பிடுகிறார்.; "கவிதை இலக்கியம்  அரசியலாகிவிட்டது  அவர்களுக்கு  ஒரு கூட்டம்; ஒரு கொள்கை; ஏகாதிபத்தியங்கள்; சிலர் சிலரை மட்டுமே வளர விடுவது; சிலர் வளர்வதை தடுப்பது; சிலரின் கவிதைகளை ஆட்சியில் அமர்த்த செய்யப்படும் சூழ்ச்சிகள்; மற்றவர்களின் கவிதை மீது காணும் விமர்சனங்கள் எல்லாவற்றையும் பார்த்து விலகி நடக்கிறேன் " தனது கருத்தை போலவே பாலமுருகன் எல...

முத்த இரவுகள் ########### எனது மூவாயிரத்து எண்ணூற்றியிருபத்தைந்து தனித்த இரவுகள் தொலைந்து வந்த புதிய இரவுகளை முத்தங்களின் இரவுகளாக கொண்டாடத்தொடங்கியிருக்கிறேன் இன்றுதான் முத்த முதலிரவு.. முத்தம் என்பது காமத்தின் செல்களிலிருந்து கழியும் அழுக்கென்ற யாரோ ஒரு மூடனின் கல்லறை எழுப்பி முத்தங்களின் சூட்சுமங்களை கேட்கச் சொன்னால் என்ன செய்வீர்கள் நீங்கள்..? நான் தனிமையை எனக்கு அறுதியிட்ட அநித்தயங்களின் இரகசிய அறைகளிலிருந்து மெதுவாக வெளியேறிக்கொண்டிருக்கிறேன் என்னிலிருந்து வழியும் பெரு நேசத்தின் முத்தங்களை கைகளில் ஏந்தியபடி... நீங்கள்..?? 00 எஸ்.சிவசேகரன் 11.20pm

சாணக்கியப்போலிகள் ## எங்கள் வீடுகளுக்குவெளியில் மரணம் காவலிருக்கையில் கிருமி புகாத இரகசிய அறையிலிருந்தபடி கண்ணாம்பூச்சி விளையாட காலம் பார்க்கும் உங்களை பருப்புக்கும் சமென்ரின்னுக்கு மூன்று மணிநேரமாய் மூன்றடி தள்ளிய வரிசையில் காத்திருக்கும் ஏழைகளின் ராஜாக்கள் என்பதில் பெரும்புழகாங்கிதம் எமக்கு.. ஐந்தாண்டுகளுக்கொருமுறை கண்ணாம்பூச்சி விளையாட்டில் நீங்கள் கட்டிவிடும் எங்கள் கண்களை இன்னமும் அவிழ்க்க விடாத உங்கள் சாணக்கியத்தை மெச்சாத நாட்களே இல்லை.. மாண்புடை மந்திரியாரே! கட்டளையுங்கள் உங்கள் தேர்தல் நாடகங்கள் நலமாய் அரங்கேற நாம் என்ன செய்யட்டும் நாங்களும் விளக்கேற்றட்டுமா? அல்லது யன்னலோரம் நின்று கைகளை தட்டட்டுமா? ஓ...வானே! தயைகூர்... நாமெல்லாம் வெளியில் வருகிறோம் எங்கள் எல்லோர் மீதும் ஒரு இடியை இறக்கு "பருப்புக்கு காத்திருந்தவர் மயங்கிச்சாவு" "பட்டினியில் பரிதாபச்சாவு" என்ற செய்தியை காவியபடி புதிதாய் ஒரு நாடகத்தை இவர்கள் அரங்கேற்ற முன் "இடிதாக்கி இறப்பு" என்னும் செய்தியே புகழ் எமக்கு... 00 எஸ்.சிவசேகரன் 06.0...

01 யன்னல்கள் அல்லது பைத்தியங்கள் ரசிக்கும் உலகம் ### எங்களில் யாரோவால் பைத்தியமாக்கப்பட்டு பல்லாண்டுகளாய் தனித்திருந்தபடியே ஒன்றுக்கு ஒன்று அளவுள்ள ஓட்டைவழியே புகும் ஒளியினூடு உலகை ரசித்துக்கொண்டிருக்கும் ஒருவரைப்போல ரசித்துக்கொண்டிருக்கிறேன் எனது அறையின் யன்னல் வழி கிருமி தொற்றிய உலகை.. மனிதர்களற்ற நகரங்களின் அழகை ரசித்தபடி ஒரு குவியல் மேகத்தின் அருகாகப் பறக்கும் இருசோடிக் குருவிகளில் ஒன்றின் முதுகில் அமர்ந்துபோகும் என் மனசை திருப்பி அழைக்கும் நகரசபை வாகனத்தின் அபாய அறிவிப்பை கேட்க அடுத்த அறையில் அடுத்த வீட்டில் அடுத்த தெருவில் அடுத்த ஊரில் அடுத்த நகரில் அவசரமாய் திறக்கப்படுகின்றன யன்னல்கள் பைத்தியங்கள் உலகைக்காண யன்னல் திறப்பதைப்போல... 00 எஸ்.சிவசேகரன் 12.10 pm 02 மரணத்தின் முகம் # குற்றங்களேதுமின்றி வீட்டுச்சிறையிருப்பை தீர்பளித்த கிருமியின் உருவத்தை வரைந்துகாட்டுகிறாள் அஷிரா தன் நாய்க்குட்டிகளுக்கு.. ஒவ்வொரு கோடுகளை வரையும்போதும் கிருமியின் பலத்தை வியாக்கியானித்துக்கொண்டிருக்கும் அவளின் கைகளை மாறிமாறி கட்டிக்கொள்கின்றன க...