இயேசு அறையப்படாத சிலுவைகள் - எஸ்.சிவசேகரன்

-


இயேசு அறையப்படாத சிலுவைகள்
##

இயேசுவுக்காய் செய்யப்பட்டு
நிராகரிக்கப்பட்ட சிலுவைகளை
எங்கள் முதுகுகளில் சுமந்தபடியே
பயணப்பட்டோம் கடலை நோக்கி..

கடல் தாயிடம் முட்டுக்காலிட்டு
பாவமன்னிப்புக்கேட்ட எங்கள்
பிடரிவழியும் முதுகுவழியும்
ஆணிகள் ஏற்றப்பட்டு
கிடத்தப்பட்டோம் சிலுவைகளில்
முதுகுப்புறமாக..

இயேசுவுக்காய்
செய்யப்பட்ட சிலுவைகள் மீது
நாங்கள் அறையப்பட்ட
மூன்றாம் நாளில் வந்து
எங்கள்
சாபவிமோசனம் வேண்டி
கருணை பற்றிய பிரசங்கத்தை
சித்தார்த்தன் நடாத்திவிட்டுபோனாதாய்
சொல்லி பெருமைப்பட்டோம்
எங்களுக்கு முன்
மின்கம்பங்களிலும் மரங்களிலும்
அறையப்பட்டவர்களுக்கும்
வீதிகளிலும் கிணறுகளிலும்
தொலைந்தவர்களுக்கும்

00

எஸ்.சிவசேகரன்
-2012-

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஈழத்து நவீன கவிதைமரபின் "புதிய மாஸ்டர்" கவிஞர் கருணாகரன்

-
படம்
"போரின் சாட்சியிலிருந்து மௌனத்தின் அழகியல்வரை நீளும் கருணாகரனின் கவிதைப் பயணம்" ************* 01- க னடா தமிழ் இலக்கிய தோட்டம் வழங்கிவருகின்ற விருதுகளில்; கவிதைத் துறைக்கான விருது இந்த ஆண்டு கவிஞர் கருணாகரன் பெற்றுக்கொள்வதில் பெரும் மகிழ்வும் மன நிறைவும். இந்த விருது விடயங்களில் எப்போதும் நான் விமர்சனங்களையும் ஆதங்கங்களையும் முன்வைப்பவன். ஆனால் அவ்வப்போது தகுதியும் பொருத்தமும் கொண்டவர்கள் பெறும்போது மனம் நிறைந்த மகிழ்வும் அடைவேன். அவ்வாறானதொரு விருதுதான் கருணாகரன் பெறுகின்ற விருது. நாற்பதாண்டுகளுக்கும் மேலாக ஈழத்து நவீனக் கவிதையின் பல பரிமாணங்களைக் கடந்து, தன் கவிதைமொழியைத் தொடர்ந்து புதுப்பித்துக்கொண்டே இருக்கும் ஒரே கவிஞர் அவர். தனிமனிதனின் இருப்பு, தனிமை,அவநம்பிக்கை, உறவுகளின் தேவை,சமூக ஒருமை மற்றும் மீளுகை சார்ந்து தன் கவிதைகளை எழுதி வரும் அவரின் எழுத்தின் பெறுமதியை இத்தனை ஆண்டுகால இலக்கிய - கவிதைப் பயணத்தை பின் தொடர்பவர்கள் அதை அறிவர். நவீன தமிழ்க்கவிதைக்கு வழங்கப்படுகின்ற உயர் விருதுகள் அனைத்துக்கும் தகுதியான ஈழத்துக்கவிஞர் என நான் கருணாகரனை சொல்வேன். (அவர் தான் தொடர் இல...
மேலும் படிக்கவும்

மொழியை வசப்படுத்தி அனுபவங்களை படிமப்படுத்தும் எஸ்.சிவசேகரன் கவிதைகள் -

-
படம்
மொழியை வசப்படுத்தி அனுபவங்களை படிமப்படுத்தும் எஸ்.சிவசேகரன் கவிதைகள் - -அபூர்வன்-   ச மூகத்தின் பதற்றத்தை ஆழமான புரிதலோடு தரிசித்து, நிதானமான மொழியிலேயே வெளிப்படுத்துபவனாக கவிஞன் இனங்காணப்படுகிறான். தேடலின் பேறான கொண்டாட்டத்தை அல்லது அடையப் பெறாமையின் வலியை கட்டிறுக்கமான மொழியிலே வெளிப்படுத்த முயல்கிறான்.         அகத்தும் பிறத்தும் நிகழும் முரண் உறவை மொழி முகாமைத்துவத்தின் ஊடாக வாசகனில் தொற்றச் செய்துவிடுகிறான். கவிதைக்குள்ளே கட்புலனாகா தன்மையினையும் ( invisible ) கட்புலனாகும் தன்மையினையும் ஒருங்கே புதைக்கும் ஆற்றலோடு அமைகின்றான்.        பிற துறைகளை போன்று கவிதையும் படிமுறை அடுக்குகளோடு அமைந்ததுதான்.       நியூட்டனின் புவியீர்ப்பு விசையை கற்கும் மாணவன் புரிதல் முயற்சியில் அதனை கடந்தேகி, ஐன்ஸ்டீனின் ஈர்ப்பு மெய்மையை ஏற்றுக்கொண்டு அடுத்த கட்டத்துக்கு பயணிக்கிறான். அதுபோல எளிமையில் இருந்து தீவிரத் தன்மைக்கு கவிஞனும் புலம்பெயர்கின்றான்.      இப் பண்புக்கான சாத்தியங்களை எதிர்காலத்தில் நல்கும்...
மேலும் படிக்கவும்

எஸ்.சிவசேகரன் - கவிதை - அஷிராவின் மடியோடு தொலையும் காலம்

-
படம்
00000 எறும்புகளின் அடுக்குமாடிக்குடியிருப்பு ******** பதினைந்தாம் மாடியை அஷிரா கட்டிமுடிக்கும்போது நானும் அவளுடன் கொத்தனாராய் இணைந்து கொண்டேன்.. ஒவ்வொரு மாடிக்கும் ஒவ்வொரு வர்ணம் அடிப்பதென்று எனக்கு நினைவூட்டிவிட்டு தொடர்ந்து கட்டிக்கொண்டிருந்தாள் அடுக்குமாடிக்குடியிருப்பை எவ்வித சலனமுமற்றபடி.. பதினெட்டாம் மாடியினை அவள் கட்டிமுடிக்கும் போது முதலாம் மாடியில் முண்டியடித்து ஏறிகொண்டிருந்தன அன்பின் வாசனையை மோப்பம் பிடித்துவந்த எறும்புகள்... ஓ.. இப்போதுதான் புரிந்தது நேற்றுக் கொட்டிய பேய்மழையில் இரைதேடி அலைந்து திரிந்த எறும்புகள் வீடுதிரும்ப பட்ட தவிப்பையும் அவற்றின் நிலக்கீழ் வீட்டுக்குள் மழை புகுந்து மூடியதையும் தாழ்வாரத்து மழைத்தண்ணீரை ஏந்தி விளையாடிகொண்டிருந்த அஷிரா கண்டிருக்கக் கூடும்.. அதோ சிறகில்லாத பட்டாம்பூச்சி கைகொட்டிப் பறக்கிறது பாருங்கள்..! © எஸ்.சிவசேகரன் -2018
மேலும் படிக்கவும்