என்ர கத -17

-

என்ர கத - 17
#
எஸ்.சிவசேகரன்
****************
#உடுப்புத்தந்த_உத்தமி

நான் சிவப்பிரகாசத்தில சேர்ந்தவுடன எனக்கு நண்பனானவங்கள் ரெண்டு பேர். (பிறகு கனபேர்)  ஒண்டு பவி (எ) உத்தரன் இன்னொண்டு தனா (எ) தனராஜ். எங்கட கொட்டில்ல் இருந்து தனாவின்ர வீடு கிட்ட. ஒவ்வொரு நாளும் பள்ளிக்கூடம் போகேக்க, கொஞ்சம் வேளைக்கே தனா வீட்ட போய், அவனையும் தம்பியயும் கூட்டிக்கொண்டுதான் பள்ளிக்கூடம் போவம். எப்பிடியும் அரைமணித்தியாலம் வேணும் எங்களுக்கு பள்ளிக்கூடம் போக.. ஆடி அசைஞ்சு, இடையில இலந்தைப்பழம், புளியம்பழம் எண்டு பொறுக்கி திண்டு, ஃபாக்குள்ளயும் போட்டுக்கொண்டுதான் போவம். சிலவேளை பிந்தினால் பிறகென்ன சாத்துத்தான்.

எங்கட கொட்டில் எரிஞ்ச அண்டு ஓடிவந்த ஆக்களில தனாவின்ர குடும்பமும் ஒண்டு. சாப்பாடுகளும் தந்தவயள். தனான்ர அப்பா ஒரு போஸ்ட் மென். அவயள் "தட்டார்" குல ஆக்கள். நான் ஏன் இங்க ஒவ்வொரு சாதியளயும் சொல்லுறனெண்டு கனபேர் யோசிப்பியள். அது ஏனெண்டா, இந்த எல்லாச்சாதியோடயும் இந்த ஏழை #எழுத்தன் மட்டுமே பழகியிருக்கிறேன்; பழகுகிறேன் என்கிற கர்வம் அது.

சரி கதய கேளுங்க,
தனா நான் போன பிறகுதான் பள்ளிக்கூடத்துக்கு வெளிக்கிடுவான். தனான்ர அம்மா, சிலநாள் பள்ளிக்கூடத்துக்கு கொண்டுபோய் சாப்பிடச்சொல்லி கடல, இடியப்பம், புட்டு கட்டியும் தருவா. (2004 மட்டும் இப்பிடியான சம்பவங்கள் நடந்தது)

இப்படி போய்க்கொண்டிருந்த நேரம் எங்கட கொட்டில் எரிஞ்சு போச்சு. புதுசாக்கொட்டில் போட்டும் ரெண்டு நாளா பள்ளிக்கூடம் போகயில்ல. ஒருநாள் (சனிக்கிழமை எண்டு நினைக்கிறன்) காலம தனாவீட்ட விளையாட போனன். அப்பதான் தனான்ர அம்மா கேட்டா "ஏன் நீர் ரெண்டு நாளா தனாவ கூட்ட வரயில்ல?? " எண்டு..
நான் பேசாம இருந்தன். உடன தனா சொன்னான் "அவன்ர கொப்பியள், சேட்டெல்லாம் அண்டைக்கு எரிஞ்சு போச்சாமண." எண்டுகொண்டு விளையாடக்கூட்டிக்கொண்டு போய்ட்டான்.  விளையாடி முடிஞ்சு வீட்ட போகெக்க தனான்ர அம்மா கூப்பிட்டு ஒரு பைய தந்து
"இதில தனான்ர சேட்டும் காச்சட்டயும் இருக்கு; தோய்ச்சு மினிக்கித்தான் கிடக்கு; பள்ளிக்கூடத்துக்கு போடும்" எண்டு சொன்னா. வேண்ட மனமில்லாம வேண்டிக்கொண்டு வீட்ட வந்தன். அய்யா பேசினார். ஆனாலும் நான் அதை போட்டுக்கொண்டு திங்கள் பள்ளிக்கூடம் போய், பள்ளிக்கூடத்தில அதிபருக்கு சொல்லி துணிவாங்கி சேட்டு காச்சட்டை தைச்சன். ஆனாலும் அந்த அம்மாவின்ர செயல் இப்பவும் என்னை ஆட்கொண்டிருக்கு.

இப்பிடியான காலத்திலதான்
நான் சொன்ன ரெண்டு "சிற்பிகள் என் வாழ்வில வந்திச்சினம்..

அவயள் ஆரெண்டு நாளைக்கு சொல்லுறன்..

00

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஈழத்து நவீன கவிதைமரபின் "புதிய மாஸ்டர்" கவிஞர் கருணாகரன்

-
படம்
"போரின் சாட்சியிலிருந்து மௌனத்தின் அழகியல்வரை நீளும் கருணாகரனின் கவிதைப் பயணம்" ************* 01- க னடா தமிழ் இலக்கிய தோட்டம் வழங்கிவருகின்ற விருதுகளில்; கவிதைத் துறைக்கான விருது இந்த ஆண்டு கவிஞர் கருணாகரன் பெற்றுக்கொள்வதில் பெரும் மகிழ்வும் மன நிறைவும். இந்த விருது விடயங்களில் எப்போதும் நான் விமர்சனங்களையும் ஆதங்கங்களையும் முன்வைப்பவன். ஆனால் அவ்வப்போது தகுதியும் பொருத்தமும் கொண்டவர்கள் பெறும்போது மனம் நிறைந்த மகிழ்வும் அடைவேன். அவ்வாறானதொரு விருதுதான் கருணாகரன் பெறுகின்ற விருது. நாற்பதாண்டுகளுக்கும் மேலாக ஈழத்து நவீனக் கவிதையின் பல பரிமாணங்களைக் கடந்து, தன் கவிதைமொழியைத் தொடர்ந்து புதுப்பித்துக்கொண்டே இருக்கும் ஒரே கவிஞர் அவர். தனிமனிதனின் இருப்பு, தனிமை,அவநம்பிக்கை, உறவுகளின் தேவை,சமூக ஒருமை மற்றும் மீளுகை சார்ந்து தன் கவிதைகளை எழுதி வரும் அவரின் எழுத்தின் பெறுமதியை இத்தனை ஆண்டுகால இலக்கிய - கவிதைப் பயணத்தை பின் தொடர்பவர்கள் அதை அறிவர். நவீன தமிழ்க்கவிதைக்கு வழங்கப்படுகின்ற உயர் விருதுகள் அனைத்துக்கும் தகுதியான ஈழத்துக்கவிஞர் என நான் கருணாகரனை சொல்வேன். (அவர் தான் தொடர் இல...
மேலும் படிக்கவும்

மொழியை வசப்படுத்தி அனுபவங்களை படிமப்படுத்தும் எஸ்.சிவசேகரன் கவிதைகள் -

-
படம்
மொழியை வசப்படுத்தி அனுபவங்களை படிமப்படுத்தும் எஸ்.சிவசேகரன் கவிதைகள் - -அபூர்வன்-   ச மூகத்தின் பதற்றத்தை ஆழமான புரிதலோடு தரிசித்து, நிதானமான மொழியிலேயே வெளிப்படுத்துபவனாக கவிஞன் இனங்காணப்படுகிறான். தேடலின் பேறான கொண்டாட்டத்தை அல்லது அடையப் பெறாமையின் வலியை கட்டிறுக்கமான மொழியிலே வெளிப்படுத்த முயல்கிறான்.         அகத்தும் பிறத்தும் நிகழும் முரண் உறவை மொழி முகாமைத்துவத்தின் ஊடாக வாசகனில் தொற்றச் செய்துவிடுகிறான். கவிதைக்குள்ளே கட்புலனாகா தன்மையினையும் ( invisible ) கட்புலனாகும் தன்மையினையும் ஒருங்கே புதைக்கும் ஆற்றலோடு அமைகின்றான்.        பிற துறைகளை போன்று கவிதையும் படிமுறை அடுக்குகளோடு அமைந்ததுதான்.       நியூட்டனின் புவியீர்ப்பு விசையை கற்கும் மாணவன் புரிதல் முயற்சியில் அதனை கடந்தேகி, ஐன்ஸ்டீனின் ஈர்ப்பு மெய்மையை ஏற்றுக்கொண்டு அடுத்த கட்டத்துக்கு பயணிக்கிறான். அதுபோல எளிமையில் இருந்து தீவிரத் தன்மைக்கு கவிஞனும் புலம்பெயர்கின்றான்.      இப் பண்புக்கான சாத்தியங்களை எதிர்காலத்தில் நல்கும்...
மேலும் படிக்கவும்

எஸ்.சிவசேகரன் - கவிதை - அஷிராவின் மடியோடு தொலையும் காலம்

-
படம்
00000 எறும்புகளின் அடுக்குமாடிக்குடியிருப்பு ******** பதினைந்தாம் மாடியை அஷிரா கட்டிமுடிக்கும்போது நானும் அவளுடன் கொத்தனாராய் இணைந்து கொண்டேன்.. ஒவ்வொரு மாடிக்கும் ஒவ்வொரு வர்ணம் அடிப்பதென்று எனக்கு நினைவூட்டிவிட்டு தொடர்ந்து கட்டிக்கொண்டிருந்தாள் அடுக்குமாடிக்குடியிருப்பை எவ்வித சலனமுமற்றபடி.. பதினெட்டாம் மாடியினை அவள் கட்டிமுடிக்கும் போது முதலாம் மாடியில் முண்டியடித்து ஏறிகொண்டிருந்தன அன்பின் வாசனையை மோப்பம் பிடித்துவந்த எறும்புகள்... ஓ.. இப்போதுதான் புரிந்தது நேற்றுக் கொட்டிய பேய்மழையில் இரைதேடி அலைந்து திரிந்த எறும்புகள் வீடுதிரும்ப பட்ட தவிப்பையும் அவற்றின் நிலக்கீழ் வீட்டுக்குள் மழை புகுந்து மூடியதையும் தாழ்வாரத்து மழைத்தண்ணீரை ஏந்தி விளையாடிகொண்டிருந்த அஷிரா கண்டிருக்கக் கூடும்.. அதோ சிறகில்லாத பட்டாம்பூச்சி கைகொட்டிப் பறக்கிறது பாருங்கள்..! © எஸ்.சிவசேகரன் -2018
மேலும் படிக்கவும்